23.09.2015
Хөрмәтле Тәлгать хәзрәт!
Изге Корбан гаете уңаеннан кайнар котлаулар кабул итегез. Сезгә һәм Ислам динендәге россиялеләргә ихлас күңелдән сәламәтлек, бәхет-сәгадәт һәм барлык игелек эш-башлангычларында унышлар телим.
Бу көннәр нуры һәм сөенече Сезгә көч һәм күңел күтәренкелеге өстәсен, игелекле гамәлләргә һәм рухи биеклекләргә әйдәсен. Иң мөһиме, олы җанлылык, кешелеклелек үрнәге күрсәтеп, мөселман кардәшләребез илебездә дуслыкны һәм татулыкны ныгытуга зур өлеш кертәләр. Олугь бәйрәмебез Исламның гуманлы, тынычлыкка һәм тәкьвалыкка өндәүче дин булуын раслау өчен тагын бер күркәм форсат булып торсын.
Татарстан Республикасы Президенты Р.Н.Миннеханов
